الأشعة وكيف تُقرأ

كيف تقرأ الاشعه ؟ ال X Ray او الاشعة السينية . من اهم الاختراعات الطبية والي يعتمد عليها التشخيص بصورة اساسية حيث تمكن الطبيب من تشخيص مجال واسع من الامراض والحالات . اكتشفها العالم الألماني وليام رونتجن قبل 120 سنة احب اعطيكم معلومات عن انواع الاشعة السينية 1) الماموغرافي Mammography هذا نوع من الاشعة يكون خاص لفحص ثدي النساء ويستخدم طاقه اشعة قليلة هذا الجهاز جدا فعال لاكتشاف الاورام السرطانية حيث يظهر الخلايا السرطانية كنقاط بيضاء قبل متنتشر وتصير ورم 2 ) الجهاز الثاني هو الاشعة المقطعية C T scan وهذا من ارقى انواع الاشعة الي ياخذ صور متعدده ويجمعهن بالاخير صورة كاملة يعطي تشخيص مثالي لأدق التفاصيل و هذا بمنشور قادم ان شاء الله راح اشرحهن و اعلمكم و شلون تشخص اي حالة تم تصويرها بهذا الجهاز 3 ) التصوير بعامل تباين او صبغة وهذا يستخدم في الغالب لفحص القولون او الدماغ احيانا يجعلون المريض يشرب باريوم او يحقنوه باريوم ويصورون الجسم المناطق الي لامسها هذا السائل تكون اكثر واضحة 4 ) فلوروسكوبي او التصوير المستمر وهذا يساعد الجراحين خصوصا بالقسطرة يكون عل شكل فلم تصويري 5 ) النوع الخامس والي هو عليه الشرح الأشعة السينية الاعتيادية وهاي تنقسم الى قسمين القسم الاول (( الاشعة السينية الرقمية )) هاي ما تعطيك اشعة بيدك تاخذها لا هاي تنقلها عل شاشة حاسوب وحقيقة هذة ارقى وافضل وادق من القسم الثاني القسم الثاني وهذا الشائع والي تتجدها بكل مكان (( الاشعة السينية التقليدية )) الي تستخدم فلم تحميض المريض يقف باعتدال امام لوح الذي به فلم تحميض وخلفه جهاز الاشعة ساوضح ذلك بالصور اذا وقف المريض والاشعة اخترقت جسمه من الخلف تسمى هذه الاشعة PA واذا اخترقته من الامام تسمى AP وضروري المريض ياخذ شهيق ويحتفظ بيه وضروري ايضآ يكون راس المريض متعدل غير مايل لجنب معين المهم ندخل بالمفيد اهم شي قبل متقرا Xray لازم تفهم الالوان التي بالاشعه و ماذا يهدف كل لون اللون الاسود يمثل هواء اللون الابيض شفاف يمثل عظام اللون الرمادي الغامق يمثل دهون والرمادي الفاتح يمثل الانسجة والابيض ناصع البياض يمثل معدن احيانا الاختصاصي الي ياخذ اشعة يعطي طاقة عالية وبالتالي تحترك الاشعة واحيانا يعطي طاقة ضعيفة وتكون الالوان باهتة بوضح ذلك في الصور (( اشعة الصدر Chest x ray )) وهذا النوع من الاشعة يمثل 40 % من فحوصات الاشعة وجدآ مهم تريد تقراها وتشخص هل هذا طبيعي ام يعاني من مرض راح اعطيكم خطوات تطبقهن بالتسلسل راح تمكنك من تشخص اي Chest x ray 1 _ اول خطوة تفاصيل المريض . Patient details . اول متستلم اشعة لازم تتاكد من اسم المريض وعمره وهل هو ذكر ام انثى وتاريخ الاشعة لان احيانا تشخص الحالة بس ممكن هذه الاشعة لغير شخص او تاريخ قديم 2 _ الخطوة الثانية projection تحدد وشلون المريض اخذ اشعة اذا كان الاشعة اخترقت المريض من الخلف تسمى PA وهي الاساس لان تعطينا وضوح واحيانا يكتب عل اشعة واحيانا مايكتب ولازم انتة تعرف والطريقة الي تعرف بيها الاشعة PA من خلال النظر الى عظم الترقوة يكون للاعلى والقلب يكون حجمه طبيعي نصف حجم الصدر اما اذا المريض عنده حادث وما يقدر يقف يجيبون جهاز الاشعة الحد السرير ويأخذون له اشعة وهاي تسمى AP وتعرفها من خلال عظم الترقوة للاسفل والقلب حجمه كبير لان الحجاب الحاجز ضاغط عليه ال PA وال AP واذا المريض اخترقته الاشعة من الجانب 3 _ الخطوة الثالثة technical quality جودة الاشعة شنو معناها معناها المريض من اخذ اشعة اخذها صح او جسمه كان مايل او ما خذ شهيق بهذه الخطوة اتاكد من 3 أمور أ . Rotation هل راس المريض مائل ام لا شلون تعرف تروح عل Xray اذا شفت فقرات الرقبة متوسطة عظم الترقوة بالتساوي معناها هذا المريض ماخذها صح بوضح بالصو اما اذا شفت الفقرات تكون بجانب اكبر من جانب اخر معناها المريض ماكان واقف متعدل وهنا رجعها و قوله اخذلي اشعة اخرى لان هاي تعطي معلومات خاطئة ب . Inspiration المريض من اخذ اشعة كان ماخذ شهيق ومحتفظ بيه لو لا شلون تعرف تعد عدد الاضلع الامامية والي يكونن مو جدا واضحات في ال Xray اذا وجدت الضلع الخامس او السادس او السابع ملامس للحجاب الحاجز معناها هو ما أخذ نفس صحيح اما اذا كان المريض ممحتفظ بالهواء في الرئة اثناء اخذ ال Xray فراح يكون حجم الرئه صغير وبهل الحالة الحجاب ضاغط عل صدر و بهذه حالة مراح اقدر اشخص الحالة وتطالب المريض باشعة ثانية اما اذا وجدت الضلع الثامن او التاسع او العاشر ملامس للحجاب الحاجز معناها المريض عنده Hyperinflation تضخم بالرئة والي غالبا يكون سببه مرض الانسداد الرئوي المزمن Chronic obstructive pulmonary disease . هذا المرض غالبا يصيب الرجال الي اعمارهم فوق ال 45 والي عدهم تاريخ بالتدخين واستنشاق غازات ملوثة . ج_ penetration الطاقة الي اخترقت المريض كانت مناسبة او اكثر او اقل من الازم . تقدر تعرفها مناسبة من خلال العمود الفقري خلف القلب تستطيع تشوف الفقرات اذا أستطيعت تشوفهن معناها Xray صحيحة اذا ما رايتهن معناها التشخيص راح يكون خاطئ رجعها للاشعة واطلب اخرى الخطوة الرابعة وهذه جدا مهمة ركز عليها . systematic review of Radiography . تاخذلك نظرة لجميع اجزاء ال Xray وبالتسلسل . وكلهن موضحهن بصورة وحدة رقم 13 اولا .. افحص الهواء . Airway بالمناطق الغامقة. وخصوصا شوف القصبة الهوائية موزعة هواء للرئة اليسرى واليمنى لو بس جزء واحد ثانيا . Breathing . شوف الرئة ممتلئة بالهواء من جميع الجهات ثالثا . Cardiac and mediastinum شوف القلب حجمه طبيعي لو بيه تضخم . الحجم الطبيعي يكون نصف الصدر ويكون ثلث من جهة اليمنى للمريض وثلثين للجهة اليسرى للمريض . ايضا ركز عل زوايا . موجودة لو مختفية رابعا ال Diaphragm /Delicate . تشوف الحجاب الحاجز . يكون دائما اعلى من جهة اليمين بسبب وجود الكبد في الجهة اليمين على جهة اليسار يكون اقل بقليل وايضا تشاهد فقاعات سوداء صغيرة والي تمثل الهواء الموجود في اعلى المعدة وال delicate معناها فحص دقيق للعظام اذا بيها ثقب او كسر معين جميع عظام القفص الصدري والترقوة ومفاصل الكتف وعظام اليد وايضا للعضلات كلهن تفحصهن اذا كان هناك إصابة خامسا واخيرا . ال Effusions . تكون على نهاية الرئة بين زاوية بين الرئة والحجاب الحاجز وهاي مهمة ولازم نشاهدها بالحالة الطبيعة لان اذا مختفية معناها المريض عنده ماء فيصدره 5_ . الخطوة الخامسة obvious abnormality . اذا كنت تفحص بالاشعة وشفت منطقة غير عادية 'تختلف عن الاشعة الطبيعية . حاول توصف الجزء غير طبيعي . ولازم توصف هذا الضرر على من أجل توصل للتشخيص والحالة والعلاج اذا كان عندك Clinical background . الجهة. Side . هاي الكتلة بأي جهة بالاشعة تقع يمين او يسار . الموقع . Site . هاي الكتلة وين بالضبط في القلب لو في الرئة لو في العظام . . الشكل والحجم Shape and size . هذا الضرر شكله دائري . مربع . بيضوي . وشكل حجمه تقريبا . . البنية والكثافة . Texture and density . بنية الضرر كتلة بيضاء متجانسة او تعتيم او كبيرة الحجم او اختفاء منطقة معينة بالرئة.